काठमाडौं । बुधबार शेयर बजार सामान्य अंकले घटेकोे छ । बुधबार १.६४ अंकले घटेर नेप्से परिसूचक २७११.२२ विन्दुमा पुगेर बन्द भएको छ । भने सेन्सेटिभ इन्डेक्स ०.८० अंकले बढेर ४६३.१२ विन्दुमा पुगेर बन्द भएको छ । त्यस्तै फोल्ट इन्डेक्स ०.०१ र सेन्सेटिभ फोल्ट इन्डेक्स भने ०.२४ अंकले बढेको हो ।

बुधबार ३३६ वटा कम्पनीको ४७ हजार ८४१ पटक धितोपत्र कारोबार हुँदा ७१ लाख ३१ हजार ५५७ कित्ता शेयर खरिद बिक्री भएको छ । कारोबार रकम भने ३ अर्ब १९ करोड ७७ लाख पुगेको छ । जुन मंगलबारको तुलनामा कारोबार रकम २३ करोड २९ लाखले कम हो । मंगलबार भने कारोबार रकम ३ अर्ब ४३ करोड ६ लाख रहेको थियो ।

बुधबार १०४ वटा कम्पनीको शेयर मूल्य बढ्दा १४९ वटा कम्पनीको शेयर मूल्य घटेको छ भने १५ वटा कम्पनीको शेयर मूल्य स्थिर रहेको छ । यसदिन सर्वाधिक कमाउनेमा फर्वाड माइक्रोफाइनान्स लघुवित्त संस्था, अप्पर लोहोर खोला हाइड्रोपावर हुँदा सर्वाधिक गुमाउनेमा भगवती हाइड्रोपावर डेभ्लपमेन्ट कम्पनी र नारयणी विकास बैंक रह्यो ।