काठमाडौं । नेशनल लघुवित्तले संस्थापक सेयर बिक्रीमा ल्याएको छ । कम्पनीले संस्थापक समूह तर्फको ८६ हजार ४९३ कित्ता सेयर बिक्रीमा राखेको हो ।
उक्त सेयर खरिद गर्न इच्छुक संस्थाका विधमान संस्थापक सेयरधनीले मात्रै आवेदन दिन सक्नेछन् । सेयर किन्न चाहने इच्छुक सेयरधनीले सूचना प्रकाशित भएको मितिले ३५ दिनभित्र आवश्यक कागजात संकलन गरी काठमाडौँको नेपाल राष्ट्र बैंकको कम्पनी सचिवको कार्यालयमा निवेदन दिनुपर्नेछ ।
तोकिएको अवधि भित्र संस्थापक सेयरधनीबाट कुनै निवेदन प्राप्त नभएको खण्डमा प्रचलित नियमानुसार सर्वसाधारणलाई सेयर बिक्रि गर्न प्रक्रिया अघि बढाइने कम्पनीले जानकारी दिएको छ ।