काठमाडौं । बिहीबार सेयर बजार एकल अंकल अंकले बढेर बन्द भएको छ । आज सेयर बजार परिसूचक ८.७८ अंकले बढेर बन्द भएको हो ।

आजको कारोबार बन्द हुँदा परिसूचक २६६१.७१ विन्दुमा पुगेको छ । आज सेयर बजारमा १०८ कम्पनीको सेयर मूल्य बढेको छ भने १५२ कम्पनीको सेयर मूल्य घटेको छ । १३ वटा कम्पनीको सेयर मूल्य आज स्थिर रहेको छ ।

सेन्सेटिभ इन्डेक्स ३.८९ अंकले बढेर ४६२.४७ विन्दुमा पुगेको छ । आज सेयर बजारमा १३ वटा उपसूचकमध्ये ८ वटाको सेयर मूल्य घटेको छ भने ५ वटाको बढेको छ । आज सेयर बजारमा ३५९ कम्पनीका ८९ लाख ६४ हजार २२३ कित्ता सेयर ४३ हजार १३१ पटक खरिद बिक्री हुँदा ४ अर्ब ११ करोड ७७ लाख ८५ हजार ७०० रुपैयाँको कारोबार भएको छ । आज सेयर बजारमा ४ वटा कम्पनीमा सकारात्मक सर्किट लागेर कारोबार भएको छ ।