काठमाडौं । नेपाल बैंक लिमिटेड र बुद्ध एयरबीच छुट सम्झौतामा हस्ताक्षर भएको छ । यो सम्झौताअन्तर्गत नेपाल बैंकमा कार्यरत कर्मचारीहरू र बैंकमा खाता भएका ग्राहकहरूले बुद्ध एयरबाट प्रदान गरिने हवाई सेवा र कार्गो सेवामा विशेष छुट पाउनेछन् ।

सम्झौताअनुसार बुद्ध एयरका हवाई टिकट (बुद्ध एयरको कार्यालय काउन्टरमा खरिद गर्दा) मा नेपाल बैंकका कर्मचारी र ग्राहकहरूलाई ८ प्रतिशत छुट दिइनेछ । त्यस्तै बैंकका कर्मचारीहरूले कार्गो सेवामा ३० प्रतिशत छुट पाउनेछन् । सम्झौतापत्रमा नेपाल बैंक लिमिटेडका सहायक प्रमुख कार्यकारी अधिकृत प्रकाश कुमार अधिकारी र बुद्ध एयरका मार्केटिङ निर्देशक रुपेश जोशीले हस्ताक्षर गरेका हुन् ।

सम्झौताबाट कर्मचारी र ग्राहकहरूले बुद्ध एयरबाट प्रदान गरिने हवाई साथै कार्गाे सेवाका विभिन्न शुल्कमा विशेष छुट सहित प्राप्त हुने सेवाबाट लाभान्वित हुने विश्वास बैंकले व्यक्त गरेको छ ।