
दार्जिलिङ । भारतको दार्जिलिङ, सोनादा र लाभामा आयोजित ग्लोबल शेर्पा मिट २०२६ विविध सांस्कृतिक कार्यक्रम तथा विशिष्ट व्यक्तित्वहरूको उपस्थितिबीच भव्यताका साथ सम्पन्न भएको छ । सम्मेलनको अन्तिम दिन शनिबार कालिम्पोङमा समापन समारोह आयोजना गरिएको थियो ।
समापन समारोहमा कालेबुङका विधायक भरत क्षेत्री प्रमुख अतिथिका रूपमा सहभागी थिए भने सिक्किमबाट आएका दासाङ रिन्पोछे विशिष्ट अतिथिका रूपमा उपस्थित थिए ।
कार्यक्रममा नेपालसहित विभिन्न देश तथा क्षेत्रबाट आएका शेर्पा समुदायका प्रतिनिधि, सामाजिक अगुवा तथा विशिष्ट व्यक्तित्वहरूको उल्लेखनीय सहभागिता रहेको थियो ।
तीनदिने सम्मेलनले शेर्पा समुदायको मौलिक भाषा, संस्कृति, परम्परा र पहिचानको संरक्षण तथा प्रवद्र्धनमा जोड दिएको छ । विश्वका विभिन्न मुलुकमा बसोबास गर्ने शेर्पाहरूबीच आपसी एकता, भाइचारा र सहकार्य अभिवृद्धि गर्ने विषयमा समेत महत्त्वपूर्ण सन्देश दिएको छ ।
सम्मेलनका क्रममा आयोजित सांस्कृतिक कार्यक्रम, परम्परागत नृत्य तथा गीतसंगीतले शेर्पा समुदायको समृद्ध सांस्कृतिक विरासतलाई उजागर गरेका थिए । कार्यक्रमले विभिन्न देशमा रहेका शेर्पा समुदायका सदस्यहरूबीच सम्बन्ध विस्तार तथा सांस्कृतिक आदानप्रदानका लागि साझा मञ्च प्रदान गरेको आयोजकले जनाएको छ ।
‘एक समुदाय, एक दृष्टिकोण’ भन्ने मूल भावनासहित आयोजित ग्लोबल शेर्पा मिट २०२६ को समापनले विश्वभरका शेर्पाहरूलाई साझा पहिचान र सांस्कृतिक सम्पदाको संरक्षणका लागि एकजुट हुन प्रेरित गरेको छ ।

विश्व शेर्पा संघको अध्यक्ष पोर्चुगोलबाट
पोर्चुगलका सोम फुरी शेर्पा विश्व शेर्पा संघको नयाँ अध्यक्षमा चयन भएका छन् । भारतको पश्चिम बंगालस्थित दार्जिलिङ, सोनादा र लाभामा आयोजित तेस्रो विश्व शेर्पा सम्मेलनका क्रममा उनलाई संघको नयाँ नेतृत्वको जिम्मेवारी दिइएको हो ।
विश्वका विभिन्न देशमा बसोबास गर्ने शेर्पा समुदायबीच एकता, भाइचारा र सहकार्य अभिवृद्धि गर्ने उद्देश्यले स्थापित संघको नेतृत्व युरोपबाट आएको छ । यसअघि नेपाल र भारतबाट संघको नेतृत्व भइसकेको थियो ।
२५ देशका शेर्पा प्रतिनिधिहरू सहभागी सम्मेलनमा शेर्पा भाषा, संस्कृति, धर्म, परम्परा र मौलिक पहिचानको संरक्षणका विषयमा छलफल भएको थियो । नयाँ अध्यक्ष सोम फुरी शेर्पाको नेतृत्वमा विश्वभरका शेर्पा समुदायलाई एकीकृत गर्दै भाषा, संस्कृति तथा सम्पदाको संरक्षण र प्रवद्र्धनका अभियानलाई थप प्रभावकारी बनाउने अपेक्षा गरिएको छ ।













समाचार
७ जिल्लाबाट लागुऔषधसहित १४ जना पक्राउ
अनलाइन ठगीबाट सतर्क रहन राष्ट्र बैंकले जारी गर्यो एड्भाइजरी, चाडपर्वमा कसरी सुरक्षित रहने ?
गोकर्णेश्वरको ब्लुपाइन पानी उद्योगमा कैफियत : सरसफाइमा कमजोरी, पानीको नमुना संकलन
क्यानडा र नेपाल भिड्दै, जित्नै पर्ने दबाबमा दुबै टोलि
बडादसैँले राष्ट्रिय एकता र समृद्ध नेपाल निर्माणमा प्रेरणा दिने राष्ट्रियसभा अध्यक्ष दाहालको विश्वास
विजयादशमी मानवीय मूल्य, नैतिकता र सदाचारको विजयको उत्सव : उपराष्ट्रपति यादव
बडादसैँले सामाजिक एकता, सद्भाव र भाइचारालाई मजबुत बनाउँछ: राष्ट्रपति पौडेल
आरुघाटमा बेलीब्रिज जडान गरिँदै
नवरात्रको सातौँ दिन : कालरात्रि देवीको पूजा गरी फूलपाती भित्र्याइँदै
यस्तो छ आजको मौसम