काठमाडौं । फिफा विश्वकप २०२६ को अन्तिम क्वार्टरफाइनलमा जित निकाल्दै अर्जेन्टिना अन्तिम ४ मा पुगेको छ । अतिरिक्त समयमा स्विट्जरल्यान्डलाई ३–१ गोल अन्तरले पराजित गर्दै अर्जेन्टिना सेमिफाइनमा पुगेको हो ।

अर्जेन्टिनाका लागि एलेक्सिस म्याक एलिस्टर, जुलियन अल्भारेज र लौराटो मार्टिनेजले एक एक गोल गरे । डान एनडोयेले स्विट्जरल्यान्डका लागि गरेको गोल सान्वत्वना बन्न पुग्यो । खेलको १० औं मिनेटमा गोल गर्दै म्याक एलिस्टरले अर्जेन्टिनालाई अग्रता दिलाएका थिए । रिकार्डाे रोड्रिगको असिस्टमा डान एनडोयेले स्विट्जरल्यान्डका लागि ६७ औँ मिनेटमा गोल गर्दै खेल बराबरीमा ल्याएका थिए ।

अमेरिकाको कान्सास सिटी स्टेडियममा खेलको ११२औं मिनेटमा अर्जेन्टिनाले अग्रता लिएको हो । जुलियन अल्भारेलले डिबक्सभन्दा बाहिरबाट उत्कृष्ट प्रहार गर्दे गोल गर्न सफल भए । १२१ औँ मिनेटमा मार्टिनेजले गोल गर्दै जित सुनिश्चित गरे । निर्धारित ९० मिनेटमा दुवैतर्फबाट १–१ को बराबरी भएपछि खेल अतिरिक्त समयमा धकेलिएको थियो ।