काठमाडौं । पाकिस्तानको ब्रड पिक हिमाल आरोहणका क्रममा मृत्यु भएका किली पेम्बा शेर्पा (किलु) को भोलि (मंगलबार) अन्त्यष्टि हुने भएको छ । उनको पार्थिव शरीर मिति २०८३ साउन २६ गते मङ्गलबार अपराह्न ४ः४५ बजे कतार एयरवेजमार्फत त्रिभुवन अन्तर्राष्ट्रिय विमानस्थलमा आइपुग्ने छ ।

उनीप्रति श्रद्धाञ्जली अर्पण गर्दै शवयात्रामा सहभागी भई सम्मान प्रकट गरिदिन हुने रोल्वालिङ माउन्ट एभरेस्ट समिटर्स क्लब परिवारले अनुरोध गरेको छ ।

साथै, आफ्नै सवारीसाधन नहुने महानुभावहरूका लागि तोकिएको स्थान र समयमा सामूहिक सवारीसाधनको व्यवस्था गरिएको जानकारी पनि जनाइएको छ ।