
ठमाडौं । सूर्यज्योति लाइफ इन्स्योरेन्स कम्पनी लिमिटेडको नाफामा सुधार देखिएको छ । कम्पनीले सार्वजनिक गरेको गत आर्थिक वर्षको चौथो त्रैमासिकसम्मको वित्तीय विवरण अनुसार नाफामा सुधार देखिएको हो ।
वित्तीय विवरणअनुसार कम्पनीले अघिल्लो आवको तुलनामा गत आवमा नाफा, आम्दानी सहितका अधिकांश वित्तीय सूचकमा उत्साहजनक वृद्धि गर्न सफल भएको हो । कम्पनीले गत आर्थिक वर्षको असार मसान्तसम्ममा ३८ करोड २ लाख रुपैयाँ नाफा कमाएको छ । जुन अघिल्लो आर्थिक वर्षको सोही अवधिको तुलनामा ८.५५ प्रतिशतले धेरै हो । अघिल्लो आवमा कम्पनीले ३५ करोड २ लाख रुपैयाँ खुद नाफा कमाएको थियो ।
समीक्षा अवधिमा कम्पनीको खुद बीमाशुल्क आम्दानीमा पनि वृद्धि देखिएको छ । गत आर्थिक वर्षमा कम्पनीको खुद बीमाशुल्क आम्दानी १२ अर्ब ९४ करोड ४६ लाख रुपैयाँ पुगेको छ । जुन अघिल्लो आवको भन्दा १५.७३ प्रतिशतले बढी हो । अघिल्लो आवको सोही अवधिमा कम्पनीको यस्तो आम्दानी ११ अर्ब १८ करोड ५२ लाख रुपैयाँ रहेको थियो । समीक्षा अवधिमा कम्पनीको खुद लाभ तथा दाबी भुक्तानी पनि ११ अर्ब ९६ करोड ४३ लाख रुपैयाँबाट १४.०८ प्रतिशतले बढेर १३ अर्ब ६४ करोड ८८ लाख रुपैयाँ पुगेको छ।
यता कम्पनीको कुल आम्दानी १५ अर्ब १३ करोड ४७ लाख रुपैयाँबाट झण्डै १३ प्रतिशतले बढेर १७ अर्ब ९ करोड ९० लाख रुपैयाँ पुगेको छ भने कुल खर्च १४ अर्ब ५२ करोड ६२ लाख रुपैयाँबाट साढे १३ प्रतिशतले बढेर १६ अर्ब ४८ करोड ७८ लाख रुपैयाँ नाघेको छ ।
समीक्षा अवधिमा कम्पनीको प्रतिसेयर आम्दानी ७.५९ रुपैयाँ पुगेको छ भने प्रतिसेयर नेटवर्थ १२२.६८ रुपैयाँ रहेको छ । त्यस्तै समीक्षा अवधिमा जीवन बीमाकोष ५१ अर्ब ५५ करोड ८९ लाख रुपैयाँ नाघेको छ । अघिल्लो आवमा यस्तो कोषको आकार ४१ अर्ब ६० करोड ५१ लाख रुपैयाँ रहेको थियो । कम्पनीको सोल्भेन्सी अनुपात ३ प्रतिशतबाट घटेर १.६५ प्रतिशतमा झरेको छ ।
५ अर्ब १ करोड १९ लाख रुपैयाँ चुक्ता पूँजी रहेको यस कम्पनीको जगेडा कोष ९२ करोड ३६ लाख रुपैयाँबाट झरेर ६० करोड ९२ लाख रुपैयाँमा सीमित भएको छ भने महाविपत्ति कोष ४२ करोड रुपैयाँबाट बढेर ४५ करोड ८० लाख रुपैयाँ कायम भएको छ ।













समाचार
दिल्लीमा प्रधानमन्त्री बालेनको २५ घण्टा
चारुमती विहारको इतिहास झल्काउने मूर्ति भारतीय राष्ट्रपतिलाई उपहार दिँदै प्रधानमन्त्री बालेन
७ जिल्लाबाट लागुऔषधसहित १४ जना पक्राउ
अनलाइन ठगीबाट सतर्क रहन राष्ट्र बैंकले जारी गर्यो एड्भाइजरी, चाडपर्वमा कसरी सुरक्षित रहने ?
गोकर्णेश्वरको ब्लुपाइन पानी उद्योगमा कैफियत : सरसफाइमा कमजोरी, पानीको नमुना संकलन
क्यानडा र नेपाल भिड्दै, जित्नै पर्ने दबाबमा दुबै टोलि
बडादसैँले राष्ट्रिय एकता र समृद्ध नेपाल निर्माणमा प्रेरणा दिने राष्ट्रियसभा अध्यक्ष दाहालको विश्वास
विजयादशमी मानवीय मूल्य, नैतिकता र सदाचारको विजयको उत्सव : उपराष्ट्रपति यादव
बडादसैँले सामाजिक एकता, सद्भाव र भाइचारालाई मजबुत बनाउँछ: राष्ट्रपति पौडेल
आरुघाटमा बेलीब्रिज जडान गरिँदै