काठमाडौं । पछिल्लो २४ घण्टामा सबैभन्दा धेरै वर्षा चितवनको मादी कल्याणपुरमा भएको छ । मौसम पूर्वानुमान महाशाखाका अनुसार बिहान ६:३९ को तथ्यांकअनुसार मादी कल्यानपुर मौसम मापन केन्द्रमा २२२.४ मिलिमिटर वर्षा मापन गरिएको छ ।

साथै मधेस प्रदेशलगायत गण्डकी, लुम्बिनी, बागमती र सुदूरपश्चिम प्रदेशका केही स्थानमा भारीदेखि धेरै भारी वर्षा भएको छ । कोसी र कर्णाली प्रदेशका धेरै स्थानमा हल्कादेखि मध्यम वर्षा भएको महाशाखाले जानकारी दिएको छ ।