काठमाडौं । सोल्टी होटलको लाभांश सुरक्षित गर्ने आज अन्तिम दिन रहेको छ । वार्षिक साधारणसभा तथा लाभांश वितरण प्रयोजनार्थ होटलले भोल (मंसिर १३ गते) बुक क्लोज गर्ने भएकाले आजसम्म कायम सेयरधनीहरुले मात्रै लाभांश प्राप्त गर्नेछन् ।

सोल्टी होटलले गत वर्षको नाफाबाट आफ्नो सेयरधनीलाई १० प्रतिशत बोनस सेयर र २६.८४ प्रतिशत नगद लाभांश (कर समेत) वितरण गर्ने घोषणा गरिसकेको छ । घोषित लाभांश पारित गर्न पुस ४ गते काठमाडौंको कमलादीस्थित नेपाल प्रज्ञा भवनमा बिहान ११ बजे सभा बस्दैछ । उक्त सभाबाट पारित भएपछि सेयधनीहरुले उक्त लाभांश पाउने छन् ।