काठमाडौं । म्यानचेस्टर युनाइटेडले इङ्लिस प्रिमियर लिगमा आइतवार सानदार जित निकालेको छ । युनाइटेडले एभर्टनलाई ४–० फराकिलो अन्तरले हराएको हो ।

युनाइटेडका लागि मार्कस रासफोर्ड र जोसुआ जिर्कजीले समान २ गोल गरे । खेलको ३४औं मिनेटमा रासफोर्डले गोल गर्दै युनाइटेडलाई अग्रता दिलाए । ४१ औं मिनेटमा जिर्कजीले गोलमा गर्दै अग्रता २–० बनाए ।

दोस्रो हाफको पहिलो मिनेटमा रासफोर्डले व्यक्तिगत दोस्रो गोल गरे । जिर्कजीले ६४औं मिनेटमा गोल गरेपछि युनाइटेडको जित निश्चित भयो । यो जितसँगै युनाइटेड १३ खेलपछि १९ अंक जोड्दै तालिकामा ९ औँ स्थानमा पुगेको छ । ११ अंकसहित एभर्टन तालिकाको १५औं स्थानमा छ ।