
धरान । धरान उपमहानगरपालिकामा सङ्गीत जात्रा २०८१ हुने भएको छ । “गीत, सङ्गीत र मनोरञ्जन, धरानको समृद्धिका लागि पर्यटन प्रवर्द्धन’ भन्ने मूल नाराका साथ हुने जात्रामा मौलिक र जातीय भेषभूषासहितको सांस्कृतिक प्रदर्शनी र जातीय परिकारसहितको अर्ग्यानिक खाद्यान्न महोत्सव हुने पत्रकार सम्मेलनमा आयोजकले जनाएको छ ।
महोत्सव धरान १५ स्थित पर्यटकीय स्थल बगरकोटमा यही पुस ७ गतेदेखि १७ गतेसम्म धरान सङ्गीत जात्रा सांस्कृतिक महोत्सव आयोजना हुने आयोजकले जनाएको छ । नेचर क्लब धरान, निशान त्रिभ्याली विकास संस्था धरान १५ को आयोजना र सह आयोजक त्रिवेणी महिला समूह धरान १५ रहेको महोत्सवको संयोजक तथा सल्लाहकार दीपचन्द्र राईले बताए ।
महोत्सवमा ख्यातिप्राप्त राष्ट्रिय तथा स्थानीय कलाकारहरूको प्रस्तुति रहने उनको भनाइ छ । मौलिक र जातीय भेषभूषासहितको सांस्कृतिक कार्यक्रम, नृत्य प्रस्तुति, जातीय परिकारसहितको अर्ग्यानिक खाद्यान्नलगायत महोत्सवमा स्थानीय उत्पादनहरूलाई प्राथमिकता दिइने संयोजक राईले बताए । महोत्सवमा ५० वटा स्टल रहने उनले बताए ।
महोत्सवलाई आकर्षक र मनोरञ्जनात्मक बनाउन बच्चाहरूदेखि सबै उमेर समूहका नागरिक रमाउन सक्ने खेलको व्यवस्था रहेको आयोजकले जनाएको छ । महोत्सवको पहिलो दिनदेखि पूरै अवधिभर राष्ट्रिय कलाकारहरूलाई प्रस्तुत गरिने संयोजक राईले बताए । सदाबहार रुचाइएका कलाकारहरूको प्रस्तुति रहने आयोजकले जनाएको छ । अनुमानित ८० लाख लागत रहने महोत्सवमा प्रवेशका लागि दिउँसोको समय निःशुल्क रहनेछ । अपराह्न ४ बजेपछि कलाकारहरूको प्रस्तुतिलाई दृष्टिगत गर्दै प्रवेश शुल्क निर्धारण गरिने आयोजकले जनाएको छ ।
गीत, सङ्गीतको माध्यमबाट मनोरञ्जन प्रदान गर्ने र धरानमा आगन्तुकहरू भित्र्याउँदै, धरानको समृद्धिमा योगदान पुर्याउने उद्देश्यले आयोजना गरिएको धरान १५ का वडाध्यक्ष नरेश ईवारमले बताए । यस महोत्सवबाट बचेको रकम सामाजिक काममा सदुपयोग गरिने उद्देश्यका साथ आयोजना गरिएको उनले बताए । महोत्सवमा कानुन विपरीतको कुनै पनि काम नगर्ने संयोजक राईले बताए ।













समाचार
७ जिल्लाबाट लागुऔषधसहित १४ जना पक्राउ
अनलाइन ठगीबाट सतर्क रहन राष्ट्र बैंकले जारी गर्यो एड्भाइजरी, चाडपर्वमा कसरी सुरक्षित रहने ?
गोकर्णेश्वरको ब्लुपाइन पानी उद्योगमा कैफियत : सरसफाइमा कमजोरी, पानीको नमुना संकलन
क्यानडा र नेपाल भिड्दै, जित्नै पर्ने दबाबमा दुबै टोलि
बडादसैँले राष्ट्रिय एकता र समृद्ध नेपाल निर्माणमा प्रेरणा दिने राष्ट्रियसभा अध्यक्ष दाहालको विश्वास
विजयादशमी मानवीय मूल्य, नैतिकता र सदाचारको विजयको उत्सव : उपराष्ट्रपति यादव
बडादसैँले सामाजिक एकता, सद्भाव र भाइचारालाई मजबुत बनाउँछ: राष्ट्रपति पौडेल
आरुघाटमा बेलीब्रिज जडान गरिँदै
नवरात्रको सातौँ दिन : कालरात्रि देवीको पूजा गरी फूलपाती भित्र्याइँदै
यस्तो छ आजको मौसम