काठमाडौं । सुनको मूल्य लगातार महंगिने क्रममा रहेको छ । गत साता बढेको सुनको भाउ यो साता पनि वृद्धि भएको हो ।

यो साता सुन तोलामा ३ हजार ३०० रुपैयाँले महँगिएको छ । अन्तराष्ट्रिय बजारमा देखिएको सामान्य बृद्धिको कारण नेपाली बजारमा पनि सुनको भाउ महँगिएको हो । यस साताको पहिलो दिन, आइतबार प्रतितोला १ लाख ५० हजार २०० रुपैयाँमा खरिदबिक्री भएको छापावाला सुन साताको अन्तिममा बढेर एक लाख ५३ हजार ५०० रुपैयाँ पुगेको हो ।

खासगरी, यस साताको एक दिन मात्र सुनको मूल्यमा गिरावट देखिएको थियो । अन्यथा, साताको अन्य दिन भने सुन महंगिएको थियो । सोमबार सुन प्रतितोला १ लाख ५० हजार ६०० रूपैयाँ पुगेको थियो जुन मंगलबार घटेर १ लाख ५० हजार ४९ हजार ६०० रूपैयाँमा झरेको थियो । यसैगरी, बुधबार पुनः वृद्धि भएर तोलाको १ लाख ५१ हजार र बिहीबार १ लाख ५१ हजार ५०० रूपैयाँ पुग्यो । अन्तिममा, साताको अनतिम दिन, शुक्रबार सुन प्रतितोला १ लाख ५३ हजार ५०० रूपैयाँमा कारोबार भयो ।

यता, चाँदीको भाउ पनि महंगिएको छ । नेपाल सुनचाँदी व्यवसायी महासंघका अनुसार चाँदी साताभरमा तोलामा २० रुपैयाँले बढेको छ । साताको सुरूवातमा प्रतितोला एक हजार ७९० रहेको चाँदीको भाउ बढेर शुक्रबार प्रतितोला एक हजार ८१० रुपैयाँ पुगेको हो । चाँदीको मूल्य सोमबार महंगिएको थियो जुन यस साताको मंगलबार गिरावट भएको थियो भने बुधबार स्थिर रहेको थियो । बिहीबार भने चाँदीको मूल्यमा बढोत्तरी हुँदा प्रतितोला एक हजार ७९० रूपैयाँमा किनबेच भएको थियो । यसैगरी, शुक्रबार चाँदी प्रतितोला एक हजार ८१० रूपैयाँको स्तरमा किनबेच भयो ।