काठमाडौं । गार्डियन माइक्रो लाइफ इन्स्योरेन्स लिमिटेडको आईपीओमा १९ लाख भन्दा बढीको आवेदन परेको छ । आवेदन दिने अन्तिम दिनको कार्यालय समयसम्म यो कम्पनीको आईपीओमा १९ लाख ६ हजार ७४८ जनाले आवेदन दिएका छन् ।

उक्त आवेदनबाट २ अर्ब ५१ करोड ९० लाख ३६ हजार रुपैयाँ संकलन भएको छ । अन्तिम समयसम्म २ करोड ५१ लाख ९० हजार ३६० कित्ताका लागि आवेदन परेको छ । कम्पनीले सर्वसाधारणका लागि प्रतिकित्ता १०० रुपैयाँका दरले कुल १८ लाख ४५ हजार कित्ता सेयर निष्कासन गरेको थियो ।

कम्पनीले आफ्नो जारी पुँजी ७५ करोड रुपैयाँको ३० प्रतिशतका दरले हुन आउने २२ करोड ५० लाख रुपैयाँ बराबरको २२ लाख ५० हजार कित्ता आईपीओ सर्वसाधारणमा निष्कासन गर्न अनुमति पाएको थियो । कम्पनीको आईपीओ बिक्री प्रबन्धकमा कुमारी क्यापिटल रहेको छ ।