काठमाडौं । सरकारी स्वामित्वको दुग्ध विकास संस्थान(डीडीसी) ले काठमाडौं महानगरपालिकालाई १ करोड भन्दा बढी सम्पत्ति कर बुझाएको छ । डीडीसीले विगत ३२ बर्षदेखिको कर यही माघ ३ गते महानगरपालिमामा दाखिला गरेको हो ।

डीडीसीले उक्त कर तिर्न अटेरी गरेपछि महानगरले कर असुल्न कडाइ गरेको थियो । महानगरअनुसार डीडीसीले आर्थिक वर्ष २०४९/५० देखि २०८१/८२ सम्मको घरजग्गा सम्पत्ति करको मूल्यांकन गरेर १ करोड २ लाख ८७ हजार ९२६ रुपैयाँ सम्पत्ति कर वापत रकम दाखिला गरेको हो ।

डीडीसीले माघ ३ गते महानगरको वडा नम्बर २६ को कार्यालय लैनचौरमा उक्त सम्पत्ति कर बुझाएको हो ।