काठमाडौं । हिमालयन एभरेष्ट इन्स्योरेन्स लिमिटेडले अपुग भएका कागजात पेश गरेर दाबी भुक्तानी दिनका लागि आग्रह गरेको छ । कम्पनीले एक सूचना जारी गरेर बीमितलाई अपुग कागजात पेश गरी दाबी भुक्तानी लिन आग्रह गरेको हो ।

कम्पनीमा विभिन्न समयमा परेको दाबी निवेदनहरूमध्ये केहीमा कागजात अपुग भएको र केहीमा बीमित सम्पर्कमा नआएकाले दाबी भुक्तानी हुन नसकेको भन्दै कम्पनीले त्यस्ता बीमितलाई कागजात सहित सम्पर्कमा आउन समेत आग्रह गरेको छ ।

सूचना जारी गरेको ७ दिनभित्र पनि बीमित अपुग कागजात सहित सम्पर्कमा नआएको खण्डमा सम्बन्धित बीमितको दाबी फाइल बन्द गरिने कम्पनीले जनाएको छ ।