
काठमाडौं । नेपाली कांग्रेसका सभापति तथा पूर्वप्रधानमन्त्री शेरबहादुर देउवाले नेपालमा स्वदेशी तथा विदेशी लगानीकर्तालाई ढुक्कसँग लगानी गर्न सक्ने वातावरण सुनिश्चित गर्न आवश्यक रहेको बताएका छन् । मगलबार काठमाडौंमा आयोजित इप्पानको २३ औं वार्षिक साधारण सभालाई सम्बोधन गर्दै देउवाले लगानीको प्रक्रिया सरल, सहज र पारदर्शी बनाउनुपर्नेमा जोड दिए।
‘लगानीका लागि जो आए पनि उसलाई सहज तरिकाले लगानी गर्न मिल्ने वातावरण बनाइनुपर्छ,’ उनले भने, ‘लगानीकर्तालाई दुःख दिने भन्ने कुरा हुनुहुँदैन।’ उत्पादित विद्युतको खपत र व्यापार सरकारको दायित्व भएको उल्लेख गर्दै उनले सो प्रक्रियामा निजी क्षेत्रको सहभागिता पनि अपरिहार्य रहेको बताए।
‘अहिले उत्पादन भएको विद्युत खपत गर्ने र व्यापार गर्ने जिम्मेवारी सरकारको हो, तर यसमा निजी क्षेत्रको सहकार्य आवश्यक छ,’देउवाले भने। उनले हाल सेयर निष्कासन रोकिएकोबारे पनि टिप्पणी गर्दै भने, ‘सेयर निष्कासन रोकिएको कुरा सुनेँ। धितोपत्र बोर्डले चाँडै प्रक्रिया अगाडि बढाउनेछ भन्ने अपेक्षा छ। यस्तो प्रक्रिया रोक्नु हुँदैन।’ ऊर्जा क्षेत्र नेपालको लागि अत्यन्त महत्वपूर्ण रहेको उल्लेख गर्दै उनले देशको प्राकृतिक स्रोतको सही उपयोग गर्न ऊर्जा विकासमा प्राथमिकता दिनुपर्ने धारणा राखे। ‘यदि हामीले हरित ऊर्जामा ध्यान दिन सक्यौं भने नेपालका लागि त्यो लाभदायक हुनेछ,’ उनले भने। देउवाले नेपालको आर्थिक तथा सामाजिक विकासमा हासिल उपलब्धिहरू पछिल्लो समय अगाडि बढाइएको उदारवाद र निजीकरणको नीतिको परिणाम रहेको पनि स्मरण गरे।













समाचार
७ जिल्लाबाट लागुऔषधसहित १४ जना पक्राउ
अनलाइन ठगीबाट सतर्क रहन राष्ट्र बैंकले जारी गर्यो एड्भाइजरी, चाडपर्वमा कसरी सुरक्षित रहने ?
गोकर्णेश्वरको ब्लुपाइन पानी उद्योगमा कैफियत : सरसफाइमा कमजोरी, पानीको नमुना संकलन
क्यानडा र नेपाल भिड्दै, जित्नै पर्ने दबाबमा दुबै टोलि
बडादसैँले राष्ट्रिय एकता र समृद्ध नेपाल निर्माणमा प्रेरणा दिने राष्ट्रियसभा अध्यक्ष दाहालको विश्वास
विजयादशमी मानवीय मूल्य, नैतिकता र सदाचारको विजयको उत्सव : उपराष्ट्रपति यादव
बडादसैँले सामाजिक एकता, सद्भाव र भाइचारालाई मजबुत बनाउँछ: राष्ट्रपति पौडेल
आरुघाटमा बेलीब्रिज जडान गरिँदै
नवरात्रको सातौँ दिन : कालरात्रि देवीको पूजा गरी फूलपाती भित्र्याइँदै
यस्तो छ आजको मौसम