काठमाडौं । साताको सेयर कारोबार हुने तेस्रो दिन नेप्से परिसूचक उच्च अंकले बढेर कारोबार भएको छ । आज नेप्से परिसूचक ८० दशमलव ९७ अंकले बढेर कारोबार भएको हो ।

आजको उच्च वृद्धिसँगै नेप्से परिसूचक ३ हजार विन्दु नजिक पुगेको छ । आज नेप्से परिसूचक २९७३ दशमलव ७० विन्दुमा पुगेको हो । आज परिसूचक अघिल्लो दिनको भन्दा २.७९ प्रतिशतले बढेको हो । आज सेयर बजारमा २३६ कम्पनीको सेयर मूल्य बढेको छ भने १४ कम्पनीको सेयर मूल्य घटेको छ । आज ‘क’ वर्गका कम्पनीको मापक सेन्सेटिभ इन्डेक्स पनि १४ दशमलव ४८ अंकले बढेर ५१६ दशमलव ९८ विन्दुमा पुगेको छ । आज सेयर बजारमा सबै १३ वटै उपसूचकको सेयर मूल्य बढेको छ ।

आज सेयर बजारमा कारोबार रकममा पनि वृद्धि भएको छ । अघिल्लो दिन १६ अर्ब भन्दा माथिको कारोबार भएको बजारमा आज २० अर्ब भन्दा माथिको कारोबार भएको छ । आज सेयर बजारमा ३१९ कम्पनीका ४ करोड ३५ लाख ८१ हजार २२८ कित्ता सेयर १ लाख ७७ हजार १०१ पटक खरिद बिक्री हुँदा २० अर्ब ८ करोड ५३ लाख ६७ हजार २९३ रुपैयाँ बराबरको कारोबार भएको छ । आज तीन कम्पनीको सेयर मूल्यमा सकारात्मक सर्किट लागेको छ ।