काठमाडौं । अर्थमन्त्रालयले नागरिक लगानी कोष ऐन २०४७ लाई संशोधन गरी अद्यावधिक गर्ने उद्देश्यले सुझाब माग गरेको छ । मन्त्रालयले ‘नागरिक लगानी कोष ऐन, २०४७ लाई संशोधन गर्न बनेको विधेयक’ को मसौदा तर्जुमा गर्दै राय सुझाब माग गरेको हो ।

उक्त मसौदा उपर राय सुझाव भएमा यो सूचना प्रकाशन भएको १० दिनभित्र पठाउन अर्थ मन्त्रालयले आग्रह गरेको छ । राय सुझावहरू मन्त्रालयको वित्तीय क्षेत्र व्यवस्थापन तथा संस्थान समन्वय महाशाखाको इमेल ठेगाना fsmd@mof.gov.np मा प्राप्त हुने गरी उपलब्ध गराउन सकिनेछ ।

विधायन ऐन, २०८१ को दफा ६ को उपदफा (२) को प्रयोजनका लागि यो सूचना प्रकाशन गरिएको मन्त्रालयले स्पष्ट पारेको छ ।