काठमाडौं । साताको सेयर कारोबार हुने पहिलो दिन आइतबार सेयर बजार उच्च अंकले घटेको छ । आज सेयर बजार ३१.१७ अंकले घटेर २७४९.८३ विन्दुमा पुगेको हो ।

त्यस्तै आज ‘क’ वर्गका कम्पनीको मापक सेन्सेटिभ इन्डेक्स पनि ५.०५ अंकले घटेर ४७२.६४ विन्दुमा पुगेको छ । त्यस्तै आज सेयर बजारमा १३ वटा उपसूचकमध्ये सबैको मूल्य घटेको छ । आज २२८ कम्पनीको सेयर मूल्य घटेको छ भने २१ कम्पनीको मात्रै बढेको छ । त्यस्तै एक कम्पनीको सेयर मूल्य भने स्थिर रहेको छ ।

परिसूचकसँगै आज कारोबार रकममा पनि गिरावट आएको छ । आज सेयर बजारमा ३२१ कम्पनीका १ करोड ४८ लाख ५ हजार ५६९ कित्ता सेयर ९७ हजार १४७ पटक खरिद बिक्री हुँदा ६ अर्ब ६ करोड १८ लाख २२ हजार ३७९ रुपैयाँको कारोबार भएको छ । आज सेयर बजारमा एउटा कम्पनीमा नकारात्मक सर्किट लागर कारोबार बन्द भएको छ ।