काठमाडौं । नेपाल एसबीआई बैंक लिमिटेडको नाफामा करिब १३ प्रतिशतको सुधार देखिएको छ । बैंकले सार्वजनिक गरेको गत आर्थिक वर्ष २०८२/८३ को चौथो त्रैमासिकसम्मको अपरिष्कृत वित्तीय विवरण अनुसार अघिल्लो आवको भन्दा १२.८९ प्रतिशतले नाफा बढेको हो ।

बैंकले गत आर्थिक वर्षको अन्तिम त्रैमासिकसम्ममा २ अर्ब ४ करोड ४३ लाख रुपैयाँ खुद नाफा आर्जन गरेको छ । अघिल्लो आर्थिक वर्षमा बैंकको खुद नाफा १ अर्ब ८१ करोड ९ लाख रुपैयाँ रहेको थियो । समीक्षा अवधिमा बैंकको नाफासँगै प्रतिसेयर आम्दानी (ईपीएस) मा पनि सुधार देखिएको छ । बैंकको प्रतिसेयर आम्दानी १८ रुपैयाँ ४ पैसा पुगेको छ । त्यस्तै बैंकको प्रतिसेयर नेटवर्थ १९४ रुपैयाँ ७३ पैसा पुगेको छ ।

बैंकले अघिल्लो आर्थिक वर्षको तुलनामा निक्षेप संकलन बढेर २ खर्ब १२ अर्ब ८२ करोड रुपैयाँ पुर्‍याएको छ । त्यसैगरी ग्राहकलाई प्रवाह गरिएको कर्जा तथा सापटी पनि बढेर १ खर्ब ४६ अर्ब ७ करोड रुपैयाँ पुगेको छ । गत आर्थिक वर्षको अन्तिमसम्ममा बैंकको निष्क्रिय कर्जा (एनपीएल) २.९२ प्रतिशतमा झरेको छ । अघिल्लो वर्ष एनपीएल २.३५ प्रतिशत रहेको थियो ।

त्यस्तै अघिल्लो वर्ष ५ अर्ब २६ करोड ६० लाख रुपैयाँ रहेको खुद ब्याज आम्दानी बढेर ५ अर्ब ३३ करोड ४३ लाख रुपैयाँ कायम भएको छ । बैंकको वितरणयोग्य मुनाफा १ अर्ब २५ करोड १६ लाख रुपैयाँ रहेको छ । बैंकको चुक्ता पूँजी ११ अर्ब ३३ करोड ५१ लाख रुपैयाँ रहेको छ भने जगेडा कोषमा १ अर्ब २५ करोड १६ लाख रुपैयाँ सञ्चित छ ।