काठमाडौं । नेपाल स्टक एक्सचेञ्ज (नेप्से) १५.७० अकंले बढेर २५६६.०७ बिन्दुमा  बन्द भएको छ । आज ३४५ कम्पनीको ९१ लाख ९५ हजार कित्ता  सेयर किनबेच हुँदा ४ अर्ब १० करोडको  सेयर कारोबार भएको हो ।

आज १३ वटै उपसूचकमा हरियाली आएको छ । आज विकास बैंक समूहको १.२५ प्रतिशत, होटल तथा पर्यटन समूहको १.२८ प्रतिशत र इन्भेष्टमेन्ट समूहको १.०३ प्रतिशतले  सेयर मूल्य बढेको छ । मंगलबार २०७ कम्पनीको  सेयर मूल्य बढेको छ भने ४४ कम्पनीको घटेको छ । ५ कम्पनीको  सेयर मूल्य स्थिर देखिएको छ ।

आज सबैभन्दा धेरै साहस ऊर्जाको  सेयर कारोबार भएको छ । आज यस कम्पनीको २२ करोड ९१ लाख रुपैयाँको  सेयर कारोबार भएको छ । बरुण हाइड्रोको १५ करोड ६८ लाख रुपैयाँको  सेयर कारोबार भएको छ । माउन्टेन इनर्जीको १३ करोड ३१ लाख रुपैयाँको  सेयर कारोबार भएको छ । आज सबैभन्दा धेरै सागर डिष्टिलरी र माबिलुङ इनर्जीका लगानीकर्ताले कमाएका छन् । आज यी दुई कम्पनीका लगानीकर्ताले १० प्रतिशतका दरले कमाएका हुन् । बुङगल हाइड्रोका लगानीकर्ताले ९.९९ प्रतिशतका दरले कमाएका छन् । झापा इनर्जीका लगानीकर्ताले पनि ९.९९ प्रतिशतका दरले कमाएका हुन् ।

आज सबैभन्दा धेरै एभरेष्ट बैंक डिबेञ्चर २०९१ का इकाईधनीले गुमाएका छन् । आज यसका इकाईधनीले ३ प्रतिशतका दरले गुमाएका हुन् ।