काठमाडौं । नेपाल स्टक एक्सचेञ्ज (नेप्से) ९.९३ अकंले बढेर २६४९.३० बिन्दुमा बन्द  भएको छ । आज ३३४ कम्पनीको १ करोड ४८ लाख ३१ हजार २४१ कित्ता सेयर किनबेच हुँदा ७ अर्ब १२ करोडको कारोबार भएको हो ।

यसदिन ११ उपसूचकमा हरियाली आएको छ । आज वाणिज्य बैंक समूहको ०.४३ प्रतिशत, विकास बैंक समूहको ०.७९ प्रतिशत, फाइनान्स समूहको २.८७ प्रतिशत, हाइड्रोपावर समूहको ०.१३ प्रतिशतले बढेको छ । मंगलबार १४८ कम्पनीको सेयर मूल्य बढेको छ भने १०३ कम्पनीको घटेको छ । ८ कम्पनीको सेयर मूल्य आज स्थिर रहेको छ ।

आज सबैभन्दा धेरै एसवाई प्यानको सेयर कारोबार भएको छ । आज यस कम्पनीको २४ करोड ८८ लाख रुपैयाँको सेयर कारोबार भएको छ । बुटवल पावरको २३ करोड ६७ लाख रुपैयाँको सेयर कारोबार भएको छ । आज सबैभन्दा धेरै जिवन विकास लघुवित्तका लगानीकर्ताले कमाएका छन् । आज यस कम्पनीका लगानीकर्ताले ९.९७ प्रतिशतका दरले कमाएका हुन् ।

आज सबैभन्दा धेरै रुरु जलविद्युत कम्पनीका लगानीकर्ताले गुमाएका छन् । आज यस कम्पनीका लगानीकर्ताले ८ प्रतिशतका दरले गुमाएका हुन् ।