काठमाडौं । उदयपुरको कटारीस्थित मतदान केन्द्रमा प्रहरीको गोलीले क्षति पुगेको मतपेटिका परिवर्तनपछि पुनः मतदान सुरु भएको छ। बिहान ७:१३ बजे कटारी नगरपालिका ३ तरकारी तथा फलफूल बिक्री केन्द्र तावाखोलाको ख मतदान केन्द्रमा असावधानीका कारण प्रहरीकै गोलीले मतपेटिकामा लागेको थियो।

सर्टगन पड्किएर मतपेटिका क्षति पुगेपछि रोकिएको मतदान मतपेटिका परिवर्तन गरेर पुनः सुरु गरिएको भएकाे हाे ।

उदयपुरकै चुहाडेमा कार्यरत प्रहरी जवानले बोकेको सर्टगनबाट अचानक १ राउन्ड गोली (कार्टिज) पड्किएको हो।  अर्को मतपेटिका राखेपछि अहिले मतदान भइरहेको छ।