काठमाडौं । टक्सार पिखुवा खोला हाइड्रोपावर लिमिटेडको आईपीओमा आवेदन दिने आज अन्तिम दिन रहेको छ । कम्पनीले फागुन २७ गतेदेखि निष्काशन गरिरहेको पहिलो चरणको आईपीओमध्ये वैदेशिक रोजगारीमा रहेका नेपालीहरुका लागि आईपीओ आज बन्द हुँदैछ ।

कम्पनीले प्रतिकित्ता १०० रुपैयाँका दरले आयोजना प्रभावितलाई १२ लाख कित्ता र वैदेशिक रोजगारीमा रहेका नेपालीलाई ३ लाख ३ हजार ६७ कित्ता आईपीओ निष्काशन गरिरहेकोमा वैदेशिक रोजगारीमा रहेकालाई निष्काशन गरेको आईपीओ आज साँझ बैंकिङ्ग समयपछि बन्द गर्न लागेको हो । कम्पनीले वैदेशिक रोजगारेबाट मागभन्दा बढी मात्रामा आवेदन परिसकेकाले पूर्व निर्धारित समय बमोजिम आज निष्काशन बन्द गर्न लागिएको जानकारी दिएको छ । यता आयोजना प्रभावितले भने चैत ११ गतेसम्म आवेदन दिन सक्नेछन् ।

यो आईपीओमा आवेदन दिंदा न्यूनतम १० कित्ता र अधिकतम ५० हजार कित्तासम्म माग गर्न सकिने व्यवस्था गरिएको छ । कम्पनीको धितोपत्र निष्काशन तथा बिक्री प्रबन्धकमा प्रभु क्यापिटल लिमिटेड रहेको छ ।