काठमाडौं । यूनाइटेड अजोड इन्स्योरेन्स लिमिटेडले यही चैत २६ गतेदेखि हकप्रद सेयर निष्काशन गर्ने भएको छ । कम्पनीले १०० कित्ता साधारण सेयर बराबर १० कित्ताको अनुपातमा हकप्रद सेयर निष्काशन गर्न लागेको हो ।

कम्पनीले हाल कायम चुक्ता पूँजी २ अर्ब ३१ करोड रुपैयाँ बराबरको प्रति सेयर १०० रुपैयाँ अंकित दरका २ करोड ३१ लाख कित्ताको १० प्रतिशत अर्थात २३ लाख १० हजार कित्ता हकप्रद सेयर निष्काशन गर्न लागेको हो । हकप्रद सेयर निष्काशनका लागि कम्पनीले फागुन १७ गते बूक क्लोज गरिसकेको छ । तसर्थ फागुन १४ गतेसम्म नेप्सेमा कायम सेयरधनीहरूले मात्रै यो हकप्रद सेयरमा आवेदन दिन सक्नेछन् । उक्त हकप्रद सेयरमा वैशाख १६ गतेसम्म आवेदन दिन सकिने छ ।