काठमाडौं । चेन्नई सुपर किंग्सले इन्डियन प्रिमियर लिग (आइपिएल) मा तेस्रो जित निकालेको छ । गए राति भएको खेलमा मुम्बई इन्डियन्स लाई १०३ रनको फराकिलो अन्तरले पराजित गर्दै चेन्नई फराकीलो जित निकालेको हो ।

मुम्बईको वानखेडे मैदानमा बिहीबार राति भएको खेलमा चेन्नईले दिएको २०८ रनको लक्ष्य पछ्याएको मुम्बई १९ ओभरमा १०४ रनमै समेटियो । पहिले ब्याटिङ गरेको चेन्नईले २० ओभरमा ६ विकेट गुमाएर २०७ रन बनाएको थियो । चेन्नईको जितमा सञ्जु सामसनले अविजित शतक प्रहार गरे । उनले १०१ रनको उत्कृष्ट पारी खेले । टोलीका लागि दोस्रो उच्च स्कोर रितुराज गायकवाडले २२ रन जोडे । मुम्बईका अल्लाह मोहम्मद गजनफर र आश्विन कुमारले समान २ विकेट लिए ।

२०८ रनको लक्ष्य पछ्याएको मुम्बई सुरुदेखि नै दबाबमा रह्यो । टोलीका लागि तिलक वर्माले ३७ रन र सूर्यकुमार यादवले ३५ रन बनाए पनि अन्य ब्याटरले खासै योगदान दिन सकेनन् । मुम्बईका ११ मध्ये ८ खेलाडीले दोहोरो अंकमा रन जोड्न सकेनन् । बलिङतर्फ चेन्नईका अकिल होसिनले शानदार प्रदर्शन गर्दै ४ ओभरमा १७ रन खर्चेर ४ विकेट लिए । त्यस्तै नूर अहमद ले २ विकेट लिए । यो खेलसँगै मुम्बईले आइपिएल इतिहासकै रनका हिसाबले सबैभन्दा ठूलो हार बेहोरेको छ । यो नतिजापछि चेन्नई पाँचौं स्थानमा उक्लिएको छ भने मुम्बई आठौं स्थानमा यथावत छ ।