काठमाडौं । सेयर बजार पछिल्ला दिनहरुमा लगातार रुपमा घटिरहेको छ । अघिल्लो दिन झिनो अंकले बढेको बजार आज फेरि घटेर कारोबार भएको छ ।

आज सेयर बजार परिसूचक ५.०६ अंकले घटेर २७००.४७ विन्दुमा पुगेको हो । अजा सेयर बजारमा १८१ कम्पनीको सेयर मूल्य घटेको छ भने ७७ कम्पनीको मात्रै बढेको छ । आज १४ कम्पनीको सेयर मूल्य स्थिर रहेको छ । आज सेन्सेटि भइन्डेक्स पनि ०.७७ अंकले घटेर ४६३.६६ विन्दुमा पुगेको छ । आज सेयर बजारमा १३ उपसूचकमध्ये ८ वटाको सेयर मूल्य घटेको छ भने ५ वटाको बढेको छ । परिसूचक घटेको दिन सेयर बजारमा ३ अर्ब भन्दा माथिको कारोबार भएको छ ।

आज सेयर बजारमा ३४७ कम्पनीका ७७ लाख ४३ हजार ३० कित्ता सेयर ४१ हजार १०४ पटक खरिद बिक्री हुँदा ३ अर्ब ४१ करोड ४८ लाख २३ हजार ७९८ रुपैयाँको कारोबार भएको छ । आज सेयर बजारमा २ कम्पनीको सेयर मूल्यमा सकारात्मक सर्किट लागेर कारोबार भएको छ ।