
काठमाडौं । सन नेपाल लाइफ इन्स्योरेन्स कम्पनी लिमिटेडले गत आर्थिक वर्ष २०८२/०८३ को चौथो त्रैमासिकसम्मको अपरिष्कृत वित्तीय विवरण सार्वजनिक गरेको छ । कम्पनीले सार्वजनिक गरेको वित्तीय विवरण अनुसार नाफा घटेको छ ।
गत आर्थिक वर्षको असार समान्तसम्मको अवधिमा कम्पनीले ४१ करोड ८५ लाख ९९ हजार रुपैयाँ खुद नाफा आर्जन गरेको छ । जुन अघिल्लो आर्थिक वर्षको सोही अवधिको तुलनामा २२.८४ प्रतिशतले कम हो । कम्पनीले अघिल्लो आर्थिक वर्षमा ५४ करोड २४ लाख ७८ हजार रुपैयाँ नाफा कमाएको थियो ।
यता कम्पनीको जीवन बीमाकोष १० अर्ब १० करोड ४७ लाख रुपैयाँबाट २७.७० प्रतिशतले बढेर १२ अर्ब ९० करोड ३६ लाख रुपैयाँ नाघेको छ । कम्पनीको ब्यवसायमा पनि सुधार देखिएका छ । समीक्षा अवधिमा खुद बीमाशुल्क आर्जन १३.१४ प्रतिशतले बढेर ४ अर्ब ८९ करोड ४५ लाख रुपैयाँ पुगेको छ । अघिल्लो आर्थिक वर्षको सोहि अवधिमा कम्पनीको उक्त ब्यवसाय ४ अर्ब ३२ करोड ६० लाख रुपैयाँमा सीमित रहेको थियो ।
समीक्षा अवधिमा कम्पनीको कुल आम्दानी ८.०५ प्रतिशतले बढेर ५ अर्ब ८३ करोड ९८ लाख रुपैयाँ पुगेको छ भने कुल खर्च ११.६३ प्रतिशतले बढेर ५ अर्ब ४७ करोड ३६ लाख रुपैयाँ पुगेको छ । अभिकर्तालाई दिइने कमिशन भने ९.९० प्रतिशतले वृद्धि भएर ४६ करोड ७६ लाख रुपैयाँ नाघेको छ ।
कम्पनीको प्रतिसेयर आम्दानी ११.२२ रुपैयाँबाट घटेर ७.९२ रुपैयाँमा झरेको छ । कम्पनीको प्रतिसेयर नेटवर्थ १४२.८८ रुपैयाँ छ । ५ अर्ब २८ करोड रुपैयाँ चुक्ता पूँजी रहेको कम्पनीको महाविपत्ति कोषमा २४ करोड ८ लाख रुपैयाँ र जगेडा कोषमा ३६ करोड ८४ लाख रुपैयाँ सञ्चिति रहेको छ ।













समाचार
७ जिल्लाबाट लागुऔषधसहित १४ जना पक्राउ
अनलाइन ठगीबाट सतर्क रहन राष्ट्र बैंकले जारी गर्यो एड्भाइजरी, चाडपर्वमा कसरी सुरक्षित रहने ?
गोकर्णेश्वरको ब्लुपाइन पानी उद्योगमा कैफियत : सरसफाइमा कमजोरी, पानीको नमुना संकलन
क्यानडा र नेपाल भिड्दै, जित्नै पर्ने दबाबमा दुबै टोलि
बडादसैँले राष्ट्रिय एकता र समृद्ध नेपाल निर्माणमा प्रेरणा दिने राष्ट्रियसभा अध्यक्ष दाहालको विश्वास
विजयादशमी मानवीय मूल्य, नैतिकता र सदाचारको विजयको उत्सव : उपराष्ट्रपति यादव
बडादसैँले सामाजिक एकता, सद्भाव र भाइचारालाई मजबुत बनाउँछ: राष्ट्रपति पौडेल
आरुघाटमा बेलीब्रिज जडान गरिँदै
नवरात्रको सातौँ दिन : कालरात्रि देवीको पूजा गरी फूलपाती भित्र्याइँदै
यस्तो छ आजको मौसम