काठमाडौं । ब्राइटन एन्ड होभ एल्बियनले प्रिमियर लिगको साविक विजेता आर्सनल माथि सानदार जित निकालेको छ । शनिबार भएको खेलमा ब्राइन ३–० ले विजयी भउको हो ।

आर्सनलको जारी सिजनमा शतप्रतिशत विजयमा समेत पूर्णविराम लागेको छ । अमेरिकन एक्सप्रेस स्टेडियममा घरेलु टोलीले आर्सनललाई खेलभर दबाबमा राख्दै प्रभावशाली जित निकालेको हो । आर्सनलले सिजनको सुरुवाती ४ खेलमा लगातार जित हासिल गरेको थियो । ब्राइटनका लागि पास्कल ग्रोस, चारालाम्पोस कोस्टुलास र चेम्मा एन्ड्रेसले गोल गरे । ग्रोसले ३१ औँ मिनेटमा पेनाल्टी क्षेत्र बाहिरबाट उत्कृष्ट प्रहार गर्दै घरेलु टोलीलाई अग्रता दिलाए । पहिलो हाफको अन्तिम मिनेटमा कोस्टुलासले पनि लामो दूरीबाट गोल गर्दै ब्राइटनको अग्रता २–० बनाए ।

दोस्रो हाफको १२ औँ मिनेटमा चेम्माले हेडमार्फत गोल थपेपछि ब्राइटन ३–० ले अघि बढ्यो । ग्रोसको कर्नरमा आर्सनलको कमजोर रक्षाको फाइदा उठाउँदै  हेडमार्फत गोल गरेका थिए । आर्सनलले गोल फर्काउने अवसर पाए पनि सदुपयोग गर्न सकेन् । उसका काइ हाभट्र्जले डिफेन्स पछाडि पुगेर पाएको राम्रो अवसरमा गरेको प्रहार ब्राइटनका गोलरक्षक बार्ट भेब्र्रुगनले रोके । क्लबको १ सय २५ औँ वार्षिकोत्सवका अवसरमा विशेष पोसाकमा मैदान उत्रिएको ब्राइटनले शानदार जितसँगै उत्सव मनाएको छ ।

जितपछि १० अंकसहित ब्राइटन अंकतालिकाको तेस्रो स्थानमा उक्लिएको छ । उसको अंक दोस्रो स्थानको आर्सनलभन्दा २ कम छ । त्यस्तै, टोटेनहम हटस्पर पनि घरेलु मैदानमा एस्टन भिल्लासँग ३–२ ले पराजित भयो । भिल्लाका लागि यो सिजनको पहिलो लिग जित हो । जोहान मान्जाम्बी, निकोलस ज्याक्सन र एमिलियानो बुएन्डियाले भिल्लाका लागि गोल गरे। अर्को खेलमा न्युकासल युनाइटेडले हल सिटीलाई २–१ ले हरायो । न्युकासलका जो विलक र लुइस हलले गोल गर्दा हलका मोहम्मद–अली चोले एक गोल फर्काए ।  एभर्टनले इप्सविच टाउनलाई १–० ले पराजित ग¥यो । एभर्टनका लागि थियर्नो ब्यारीले निर्णायक गोल गरे । जितसँगै एभर्टन ९ अंक सहति अंकतालिकाको पाँचौं स्थानमा उक्लिएको छ ।