काठमाडौं । यो साता लगातार दोस्रो दिन पनि नेप्से परिसूचक घटेको छ । अघिल्लो दिन पनि घटेको बजार आज पनि दोहोरो अंकलेघटेको हो ।

मंगलबारको कारोबार बन्द हुँदा नेप्से परिसूचक ९.६२ अंकले घटेर २६०३.७१ विन्दुमा पुगेको छ । आज सेयर बजारमा १९९ कम्पनीको सेयर मूल्य घटेको छ भने ६९ कम्पनीको सेयर मूल्य बढेको छ । त्यस्तै आज १० कम्पनीको सेयर मूल्य स्थिर रहेको छ ।  त्यस्तै आज सेन्सेटिभ इन्डेक्स पनि १.०१ अंकले घटेर ४६६.६५ विन्दुमा पुगेको छ । आज सेयर बजारका १३ उपसूचकमध्ये ११ वटाको सेयर मूल्य घटेको छ भने दुई वटाको बढेको छ । परिसूचकसँगै कारोबार रकममा पनि गिरावट आएको छ ।

अघिल्लो दिन ५ अर्ब माथिको कारोबार भएको बजारमा आज साढे ४ अर्ब माथिको मात्रै कारोबार भएको छ । मंगलबार ३६३ कम्पनीका १ करोड १० लाख ६९ हजार ७४ कित्ता सेयर ५१ हजार २७४ पटक खरिद बिक्री हुँदा ४ अर्ब ६५ करोड ४८ लाख ७८ हजार ४५ रुपैयाँको कारोबार भएको छ ।