काठमाडौं । पहिलो टेस्टको पहिलो पारीमा बंगलादेशलाई १४९ रनमा अलआउट भएको छ । घरेलु टोलीले पाहुना टोलिलाई सस्तैमा रोक्दै पहिलो पारीमा नै विशाल अग्रता लिएको हो । भारतले पहिलो पारीमा २२७ रनको बलियो अग्रता लिएको छ ।

बंगलादेशलाई सस्तैमा समेट्ने क्रममा भारतका जसप्रित बुमराहले सर्वाधिक ४ विकेट लिए । उनले ५० रन खर्चेर चार विकेट लिए । त्यस्तै मोहम्मद सिराज, आकाश दीप र रवीन्द्र जडेजाले समान २–२ विकेट लिए । बंगलादेशका लागि साकिब अल हसनले सर्वाधिक ३२ रन बनाए ।
यसअघि रविचन्द्रन अश्विनको शतक र रवीन्द्र जडेजाले अर्धशतक बनाए पछि भारतले ३७६ रनको योगफल बनाएको थियो । यी दुईले ७ औँ विकेटका लागि १९९ रनको साझेदारी गरे । अश्विनले ११३ रन बनाए भने जडेजाले ८६ रनको योगदान दिए । ६ विकेटको क्षतीमा ३३९ रनबाट दोस्रो दिनको सुरुआत गरेको भारतले ३७ रन जोड्दा बाँकी चार विकेट गुमाएको थियो ।

बंगलादेशका तीव्र गतिका बलरले दोस्रो दिन अश्विन, जडेजा र आकाश दीपसहित तीन विकेट लिएका थिए । युवा तीव्र गतिका बलर हसन महमुद बंगलादेशका लागि सर्वाधिक ५ विकेट लिए । बंगलादेशले बिहीबार टस जितेर पहिले बलिङ गर्ने निर्णय गरेको थियो । भारतले आफ्नो दोस्रो पारीमा ३ विकेट गुमाएर ८१ रन बनाएको छ । यो अवस्थामा उसले ३०८ रनको अग्रता लिएको छ । दोस्रो पारीमा भारतका लागि सुभमन गिल ३३ रनमा अविजित रहेका छन् भने रिसभ पन्त १२ रनमा अविजित छन् ।