काठमाडौं । नेपाल वायुसेवा निगमले काठमाडौं–भैरहवको भाडादर सार्वजनिक गरेको छ । निगमले सार्वजनिक गरेको भाडादर अनुसार काठमाडौंबाट भैरहवा जानका लागि ७ हजार र भैरहवाबाट काठमाडौं आउनका लागि ३ हजार ८ सय ९० रुपैयाँ तोकेको छ ।

असोज ११ र १२ गतेको अविरल वर्षाका कारण काठमाडौंबाट बाहिर जाने आउने राजमार्ग अवरुद्ध भएको अवस्थामा निगमले न्यारोबढी जहाजबाट काठमाडौं–भैरहवा उडान सुरु गर्ने निर्णय गरेको हो । उक्त निर्णय अनुसार असोज २४ गते फूलपातीका दिनदेखि काठमाडौं–भैरहवा उडान हुन छ ।

न्यारोबडीले आन्तरिक उडानमा यात्रुका लागि पहिलोपटक उडान अनुमति पाएको हो । त्यस्तै निगमको न्यारोबडी र वाइडबडीले भैरहवा–काठमाडौं टेस्ट फ्लाइट र अन्तर्राष्ट्रिय उडान पनि गरिसकेका छन् ।

असोज ११–१२ गते को भारी वर्षाका कारण भएको बाढी पहिरोले सबै जसो राजमार्ग अवरोध गरेका कारण नेपाल वायुसेवा निगम र हिमालय एयरलायन्सका न्यारोबडी विमान पठाउन सरकारले पहल गरेको थियो ।