
काठमाडौं, २८ असोज – नेपाली पर्वतारोहीहरूले पुनः विश्वमञ्चमा देशको नाम गौरवान्वित गरेका छन्। चीनको शिशपाङ्मा हिमालको सफल आरोहण गर्दै ९ जना नेपाली साहसीहरूले नयाँ विश्व कीर्तिमान कायम गरेका छन्। यस उपलब्धिले नेपाली पर्वतारोहीहरूको साहस, समर्पण, र दृढ इच्छाशक्तिको उत्कृष्ट उदाहरण प्रस्तुत गरेको छ।

दावा याङ्जुम शेर्पाले ८,००० मिटरभन्दा अग्ला सबै १४ वटा शिखर चुम्ने पहिलो नेपाली महिला बनेर इतिहास रचिन्, जुन सबै नेपाली महिलाहरूको लागि प्रेरणाको स्रोत हो।
१८ वर्षीय निमा रिञ्जी शेर्पाले विश्वकै कान्छो आरोहीको रूपमा आफ्नो परिचय दिंदै नयाँ पुस्ताका लागि साहस र दृढताको सन्देश फैलाएका छन्। निर्मल पुर्जाले बिना अक्सिजन छोटो समयमा ८,००० मिटरभन्दा अग्ला १४ वटा हिमाल आरोहण गर्ने सफलताले विश्वभरि पर्वतारोहणको क्षेत्रमा नयाँ मापदण्ड स्थापित गरेका छन्।

साथै, तेजन गुरुङ, पासाङ टेन्डी शेर्पा, मिङ तेम्बा शेर्पा, क्याजिङजी शेर्पा, छिरिङ फुर्वा शेर्पा, र दावा टेम्बा शेर्पाले पनि यो साहसी आरोहणमा सहभागी भएर नेपाललाई गर्व गर्न लायक उपलब्धि दिलाएका छन्। उनीहरूको संयुक्त प्रयासले नेपाली पर्वतारोहणको क्षेत्रमा रहेका अद्वितीय क्षमता र सम्भावनाको झल्को दिएको छ।
विमानस्थलमा स्वागत गर्न पर्यटन क्षेत्रका सँस्था STEAN, अन्य पर्यटन व्यबसयी संघसंस्थाहरू, पर्यटन व्यवस्सयीहरु,स्थानीय समुदायहरू, र पर्वतारोहणका प्रशंसकहरूले उनीहरूको स्वागतमा सहभागी भई हर्ष उल्लासका साथ स्वागत व्यक्त गरेका थिए।यस स्वागतले नेपालीहरूलाई एकजुट गराएको मात्र छैन, देशको पर्वतारोहण इतिहासमा नयाँ अध्याय थपेको छ STEAN का अध्यक्ष पेम्बा शेर्पा सङगमले व्यक्त गरे।
यी सफलताहरूले नेपालको पर्यटन क्षेत्रलाई पनि नयाँ उचाइमा पुर्याउने विश्वास गरिएको छ। हिमाल आरोहणका क्षेत्रमा नेपाली साहसीहरूले राखेको योगदानले अन्तर्राष्ट्रिय पर्वतारोहण समुदायमा नेपालको पहिचान अझ प्रबल बनाएको छ।














समाचार
७ जिल्लाबाट लागुऔषधसहित १४ जना पक्राउ
अनलाइन ठगीबाट सतर्क रहन राष्ट्र बैंकले जारी गर्यो एड्भाइजरी, चाडपर्वमा कसरी सुरक्षित रहने ?
गोकर्णेश्वरको ब्लुपाइन पानी उद्योगमा कैफियत : सरसफाइमा कमजोरी, पानीको नमुना संकलन
क्यानडा र नेपाल भिड्दै, जित्नै पर्ने दबाबमा दुबै टोलि
बडादसैँले राष्ट्रिय एकता र समृद्ध नेपाल निर्माणमा प्रेरणा दिने राष्ट्रियसभा अध्यक्ष दाहालको विश्वास
विजयादशमी मानवीय मूल्य, नैतिकता र सदाचारको विजयको उत्सव : उपराष्ट्रपति यादव
बडादसैँले सामाजिक एकता, सद्भाव र भाइचारालाई मजबुत बनाउँछ: राष्ट्रपति पौडेल
आरुघाटमा बेलीब्रिज जडान गरिँदै
नवरात्रको सातौँ दिन : कालरात्रि देवीको पूजा गरी फूलपाती भित्र्याइँदै
यस्तो छ आजको मौसम