काठमाडौं । प्रधानमन्त्री केपी शर्मा ओलीले नेपाल विद्युत् प्राधिकरणले उद्योगहरूमा विद्युत् काटेकोबारे निर्णय गर्न ऊर्जामन्त्रीलाई निर्देशन दिएका छन् । मंगलबार बसेको मन्त्रिपरिषद् बैठकमा ऊर्जामन्त्री दीपक खड्काले उद्योगमा बिजुली काटिएकोबारे ब्रिफिङ गरेका थिए ।

ऊर्जामन्त्रीको ब्रिफिङ सुनेपछि प्रधानमन्त्री ओलीले यो विषय ऊर्जा मन्त्रालयको क्षेत्राधिकारमा पर्ने भन्दै उपयुक्त निर्णय गर्न भनेका हुन् ।
‘विद्युत् कटौतीको विषय ऊर्जा मन्त्रालयको हो । यो विषयमा मन्त्रिपरिषद् बैठकले निर्णय गर्ने होइन । त्यसैले ऊर्जामन्त्रीले नै उपयुक्त निर्णय गर्नुहोला’, प्रधानमन्त्रीको भनाइ उधृत गर्दै एक मन्त्रीले भने, ‘कुलमान हटाउने वा नहटाउने भन्नेबारे कुनै छलफल भएन र प्रशंग नै उठेन ।’