काठमाडौं । साताको तेस्रो कारोबार दिन मंगलबार सेयर बजार दोहोरो अंकले बढेको छ । नेपाल स्टक एक्सचेन्ज (नेप्से) परिसूचक १४.११ अंकले बढेर २६२६.३१ मा पुगेको छ ।

आज ३१२ कम्पनीको १ करोड २७ लाख ४६ हजार ४१० कित्ता सेयर किनबेच हुँदा ५ अर्ब २० करोड २२ लाख ६३ हजार ३८ रुपैयाँ कारोबार भएको छ । आज जानकी फाइनान्स कम्पनीको सेयरमा सर्वाधिक कारोबार भएको छ । कम्पनीको २० करोड ७ लाख ४२ हजार ६ सय ५३ रुपैयाँ कारोबार भएको छ । कम्पनीको प्रतिकित्ता न्युनतम मूल्य ९ सय ८ रुपैयाँ रहेको छ ।

मंगलबार १६७ कम्पनीको सेयर मूल्य बढ्दा ७१ कम्पनीको सेयर मूल्य घटेको छ भने ६ कम्पनीको सेयर मूल्य स्थिर रहेको छ । साथै, आज ३ कम्पनीको सेयर मूल्यमा सकारात्मक सर्किट लागेको छ भने सपोर्ट माक्रोफाइनान्स वित्तीय संस्थाको सेयर मूल्य नकारात्मक सर्किट लागेको छ ।