काठमाडौं । साताको सेयर कारोबार हुने चौथो दिन सेयर बजार सामान्य अंकले घटेको छ । आज सेयर बजार परिसूचक १ दशमलव ०७ अंकले घटेर २६५३ दशमलव ६८ अंकमा पुगेको हो ।

आज सेयर बजारमा ८८ कम्पनीको सेयर मूल्य बढेको छ भने १५९ कम्पनीको सेयर मूल्य घटेको छ । त्यस्तै एउटा कम्पनीको सेयर मूल्य स्थिर रहेको छ । त्यस्तै आज ‘क’ वर्गका कम्पनीको मापक सेन्सेटिभ भने ० दशमलव ०१ अंकले बढेर ४५२ दशमलव ४९ विन्दुमा पुगेको छ । आज सेयर बजारमा १३ उपसूचकमध्ये ८ वटाको सेयर मूल्य घटेको छ भने ५ वटाको बढेको छ ।

आज सेयर बजारमा ९ अर्ब भन्दा माथिको कारोबार भएको छ । आज ३१४ वटा कम्पनीको २ करोड ३४ लाख ४६ हजार ९४९ कित्ता सेयर ७८ हजार १३ पटक खरिद बिक्री हुँदा ९ अर्ब ८ करोड ५८ लाख ८६ हजार ८७७ रुपैयाँ बराबरको कारोबार भएको छ । आज सेयर बजारमा एक कम्पनीको सेयर मूल्यमा सकारात्मक सर्किट लागेको छ भने एउटा कम्पनीको सेयर मूल्यमा नकारात्मक सर्किट लागेर कारोबार भएको छ ।