काठमाडौं ।  साताको कारोबार हुने अन्तिम दिन नेपाली बजारमा सुनचाँदीको मूल्य घटेको छ । आज सुन तोलाका ४ हजार २०० रुपैयाँ र चाँदी तोलाको २७० रुपैयाँले घटेको हो ।

नेपाल सुनचाँदी व्यवसायी महासंघका अनुसार आज सुनको मूल्य तोलाको २ लाख ९१ हजार रुपैयाँ पुगेको छ । अघिल्लो दिन सुन तोलाको २ लाख ९५ हजार २०० रुपैयाँ रहेको थियो ।

त्यस्तै आज चाँदीको मूल्य २७० रुपैयाँले घटेर ४ हजार ७१० रुपैयाँ पुगेको छ । अघिल्लो दिन चाँदी तोलाको ४ हजार ९८० रुपैयाँ रहेको थियो ।