काठमाडौं । प्रभु इन्स्योरेन्सले आर्थिक वर्ष २०८१/८२ का लागि लाभांश घोषणा गरेको छ। कम्पनी सञ्चालक समितिको फागुन १७ गते बसेको बैठकले हाल कायम चुक्तापुँजी १ अर्ब ७० करोड ९ लाख ५५ हजार ९१९ रुपैयाँको आधारमा कुल ९.१५७९ प्रतिशत लाभांश वितरण गर्ने निर्णय गरेको हो।

घोषित लाभांशमध्ये ८.७ प्रतिशत बराबर १४ करोड ७९ लाख ८३ हजार १६५ रुपैयाँको बोनस सेयर रहेको छ भने कर प्रयोजनका लागि ०.४६७९ प्रतिशत अर्थात् ७७ लाख ८८ हजार ५८८ रुपैयाँ नगद लाभांश प्रस्ताव गरिएको छ।

कम्पनीका अनुसार प्रस्तावित लाभांश नेपाल बीमा प्राधिकरणबाट स्वीकृति प्राप्त भएपछि आगामी वार्षिक साधारणसभाबाट पारित गरी सेयरधनीलाई वितरण गरिनेछ।