काठमाडौं । टी–२० विश्वकपको फाइनमा भारतले न्यूजिल्याण्डलाई जितका लागि २५६ रनको विशाल लक्ष्य दिएको छ ।अहमदाबादस्थित नरेन्द्र मोदी रंगशालामा जारी खेलमा साविक विजेता समेत रहेको भारतले निर्धारीत ओभरमा ५ विकेट गुमाएर २५५ रन बनाए पछि न्यूजिल्याण्डले २५६ रनको लक्ष्य पाएको हो ।

भारतका लागि तीन जना खेलाडीले अर्धसतक प्रहार गरे । उसका सन्जु सामसन, अभिषेक शर्मा र इशान किशनले अर्धसतक बनाए । सामसनले टोलिका लागि सर्ववधिक ८९ रनको विष्फोटक पारी खेले । उनले ४६ बल खेलेका उनले ५ चौका ८ छक्का प्रहार गरे । यस्तै, अर्का ओपनर अभिषेक शर्माले २१ बलमा ५२ बनाए भने इशान किशनले २५ बलमा ५४ रनको योगदान दिए । अन्तिम ओभरमा शिवम दुबेले विष्फोटक ब्याटिङ गर्दै भारतको स्कोर २५० माथि पुर्याए । उनी ८ बलमा २६ रनमा अविजित रहे ।
बलिङतर्फ न्यूजिल्यान्डका जिम्मी निशमले तीन तथा रचिन रवीन्द्र र म्याट हेनरीले एक–एक विकेट लिए । न्यूजिल्याण्डले केही बेरमा जबाफि ब्याटिङ गर्नेछ ।