काठमाडौं । साताको पहिलो कारोबार दिन प्रि ओपन सेसनमा नेप्से परिसूचक करिब साढे ४ अंक बढेर बन्द भएको छ। अघिल्लो कारोबार दिन अर्थात गत बिहीबार २३.८७ अंक बढेर २८२०.४४ विन्दुमा बन्द भएको नेप्से, यस दिन सो सेसनमा ४.४४ अंक बढेर २८२४.८९ विन्दुमा पुगेको छ। सो सेसनमा सेन्सेटिभ इण्डेक्स भने ०.७४ अंक बढेको छ।

आइतबार प्रि ओपन सेसनमा १०२ स्टकको २९८ पटकको कारोबारमा १ करोड ४२ लाख ९२ हजार ९८४ रुपैयाँ ३० पैसाबराबरको ४३ हजार ७०७ कित्ता शेयर खरिदबिक्री भएको छ। जसमध्ये ५८ स्टकको मूल्य बढेको छ भने ३२ स्टकको मूल्य घटेको छ। बाँकी १२ स्टकको मूल्य भने सो सेसनमा स्थिर रहेको छ।