काठमाडौं । नेपाल स्टक एक्सचेञ्ज (नेप्से) १३.४६ अकंले घटेर २८३७.७७ बिन्दुमा बन्द भएको छ  । आज ३३५ कम्पनीको २ करोड १० लाख ८७ हजार कित्ता सेयर किनबेच हुँदा ८ अर्ब ९९ करोडको कारोबार भएको हो ।

आज ११ उपसूचक राताम्य भएका छन् । आज वाणिज्य बैंक समूहको ०.७४ प्रतिशत, विकास बैंक समूहको ०.६७ प्रतिशत, फाइनान्स समू्हको ०.६० प्रतिशतले सेयर मूल्य घटेको छ । शुक्रबार ५६ कम्पनीको सेयर मूल्य बढेको छ भने २०९ कम्पनीको घटेकोछ । २ कम्पनीको सेयर मूल्य भने स्थिर रहेको हो ।

आज सबैभन्दा धेरै नेशनल हाइड्रोपावर कम्पनीको सेयर कारोबार भएको छ । आज यस कम्पनीको ५१ करोड ३२ लाख रुपैयाँको सेयर कारोबार भएको हो । रिलायन्स स्पीनिङ मिल्सको ४३ करोड ५९ लाख रुपैयाँको सेयर कारोबार भएको छ । रिडी पावरको ३८ करोड १४ लाख रुपैयाँको सेयर कारोबार भएको छ । आज सबैभन्दा धेरै भुजुङ हाइड्रोपावर कम्पनी, सुपर खुदी, होटल फरेष्ट र पाल्पा सिमेन्टका लगानीकर्ताले कमाएका छन् । आज यी चार कम्पनी लगानीकर्ताले १० प्रतिशतका दरले कमाएका हुन् । रिज लाइन इनर्जीका लगानीकर्ताले ९.९९ प्रतिशतका दरले कमाएका हुन् ।

आज सबैभन्दा धेरै एनआइसी एशिया ब्यालेन्स फन्डका इकाईधनीले गुमाएका छन् । आज यसका इकाईधनीले ४ प्रतिशतका दरले गुमाएका हुन् ।