काठमाडौं । इन्डियन प्रिमियर लिग (आइपिएल) शीर्ष टोली पञ्जाब किंग्सले सिजनको पहिलो हार बेहोरेको छ । न्यू चण्डीगढमा भएको खेलमा राजस्थान रोयल्सले पञ्जाब किंग्स लाई ६ विकेटले पराजित गरेको हो ।

२२३ रनको लक्ष्य पछ्याएको राजस्थानले १९.२ ओभरमा ४ विकेट गुमाउँदै २२८ रन बनाउँदै जित निकालेको हो । राजस्थानको जितमा डोनोभन फेरेइराले अविजित ५२ रन बनाउँदै उत्कृष्ट प्रदर्शन गरे। उनले अन्तिम समयमा आक्रामक ब्याटिङ गर्दै टोलीलाई जित दिलाए । त्यस्तै यशस्वी जैसवाल ले ५१ रनको योगदान दिए । शुभम दुबे सँग मिलेर फेरेइराले पाँचौँ विकेटका लागि ३२ बलमा ७७ रनको महत्वपूर्ण साझेदारी गरे ।

त्यसअघि पहिले ब्याटिङ गरेको पञ्जाबले २० ओभरमा ४ विकेट गुमाएर २ सय २२ रन बनाएको थियो। पञ्जाबका लागि मार्कस स्टोइनिस ले २२ बलमा अविजित ६२ रन बनाए भने प्रभसिमरन सिंह ले ५९ रन जोडे । बलिङतर्फ युजवेन्द्र चहल ले ३ विकेट लिए पनि टोलीलाई जित दिलाउन भने पर्याप्त भएन। यो जितसँगै राजस्थान अंक तालिकाको तेस्रो स्थानमा उक्लिएको छ ।