काठमाडौं । बिहीबार सेयर बजार परिसूचक सामान्य बढेको छ । आज सेयर बजार परिसूचक ६.९४ अंकले बढेको हो ।

आजको कारोबार बन्द हुँदा नेप्से परिसूचक २७१८.१६ विन्दुमा पुगेको छ । आज सेयर बजारमा १५५ कम्पनीको सेयर मूल्य बढेको छ भने १०२ कम्पनीको सेयर मूल्य घटेको छ । आज १२ कम्पनीको सेयर मूल्य स्थिर रहेको छ । त्यस्तै आज सेन्सेटिभ इन्डेक्स ०.९५ अंकले बढेर ४६४.०८ विन्दुमा पुगेको छ ।

आज सेयर बजारमा १३ उपसूचकमध्ये ८ वटाको सेयर मूल्य बढेको छ भने ५ वटाको सेयर मूल्य घटेको छ । परिसूचक बढे पनि सेयर बजारमा भने ३ अर्ब भन्दा कमको कारोबार भएको छ । आज ३३४ कम्पनीका ६६ लाख ८४ हजार ७ कित्ता सेयर ४५ हजार ६५ पटक खरिद बिक्री हुँदा २ अर्ब ९३ करोड १९ लाख ६८ हजार ८७७ रुपैयाँको कारोबार भएको छ ।