
लुम्बिनी विकास कोषकी नवनियुक्त उपाध्यक्ष आनी छोइङ डोल्माले पदभार ग्रहण गरेकी छन् । नियुक्त भएको करिब एक महिनापछि बुधबार लुम्बिनी पुगेर उनले औपचारिक रूपमा जिम्मेवारी सम्हालेकी हुन् । पदभार ग्रहण गर्नुअघि आनी छोइङ डोल्माले लुम्बिनीस्थित मायादेवी मन्दिरमा पूजाआजा गरेकी थिइन् । उनले आफू लुम्बिनीको विकास, संरक्षण र प्रवद्र्धनका लागि जिम्मेवारी लिएर आएको बताएकी छन् ।
गत असोज ३० गते बसेको मन्त्रिपरिषद् बैठकले प्रसिद्ध गायिका तथा भिक्षुणी आनी छोइङ डोल्मालाई लुम्बिनी विकास कोषको उपाध्यक्षमा नियुक्त गर्ने निर्णय गरेको थियो । लुम्बिनी विकास कोष ऐन, २०४२ को दफा ८ अनुसार उनको कार्यकाल पाँच वर्षको हुनेछ । यद्यपि उनको नियुक्तिलाई लिएर लुम्बिनी बचाउ अभियानले असन्तुष्टि जनाउँदै विरोध गर्दै आएको थियो । नियुक्तिलाई लिएर विवाद भइरहेका बेला उनले पदभार सम्हालेकी हुन् ।
यसैबीच कोषको कोषाध्यक्षमा नियुक्त पूर्वप्रहरी अतिरिक्त महानिरीक्षक (एआईजी) रमेश शेखर बज्राचार्य रहेका छन् । बुधबार नै कोषका नवनियुक्त सदस्य सचिव सन्तोष पाण्डेयले पनि पदभार ग्रहण गरेका छन् ।
अब नयाँ नेतृत्वसामु लुम्बिनीको समग्र विकाससँगै कपिलवस्तुका सात ऐतिहासिक स्थल, देवदह र रामग्राम स्तूपमा रहेका ऐतिहासिक तथा पुरातात्त्विक सम्पदाको संरक्षण, व्यवस्थापन र अन्तर्राष्ट्रिय प्रवद्र्धन गर्ने महत्वपूर्ण जिम्मेवारी रहनेछ । लुम्बिनीलाई विश्व बौद्ध समुदायको प्रमुख आध्यात्मिक तथा पर्यटकीय गन्तव्यका रूपमा स्थापित गर्न नयाँ नेतृत्वको भूमिका महत्वपूर्ण हुने अपेक्षा गरिएको छ ।












समाचार
७ जिल्लाबाट लागुऔषधसहित १४ जना पक्राउ
अनलाइन ठगीबाट सतर्क रहन राष्ट्र बैंकले जारी गर्यो एड्भाइजरी, चाडपर्वमा कसरी सुरक्षित रहने ?
गोकर्णेश्वरको ब्लुपाइन पानी उद्योगमा कैफियत : सरसफाइमा कमजोरी, पानीको नमुना संकलन
क्यानडा र नेपाल भिड्दै, जित्नै पर्ने दबाबमा दुबै टोलि
बडादसैँले राष्ट्रिय एकता र समृद्ध नेपाल निर्माणमा प्रेरणा दिने राष्ट्रियसभा अध्यक्ष दाहालको विश्वास
विजयादशमी मानवीय मूल्य, नैतिकता र सदाचारको विजयको उत्सव : उपराष्ट्रपति यादव
बडादसैँले सामाजिक एकता, सद्भाव र भाइचारालाई मजबुत बनाउँछ: राष्ट्रपति पौडेल
आरुघाटमा बेलीब्रिज जडान गरिँदै
नवरात्रको सातौँ दिन : कालरात्रि देवीको पूजा गरी फूलपाती भित्र्याइँदै
यस्तो छ आजको मौसम