काठमाडौं । यो वर्षको साउनदेखि मंसिर मसान्तसम्म ९२ अर्ब ८५ करोड ६२ लाख ६२ हजार रुपैयाँको पेट्रोलियम पदार्थ आयात भएको छ । यो पाँच महिनामा रु. ४२ अर्ब १७ करोड २८ लाख ६२ हजार बराबरको डिजेल नेपालले खरिद गरेको छ। यसैगरी रु. २६ अर्ब ४५ करोड ४३ लाख बराबरको पेट्रोल र रु. २४ अर्ब २२ करोड ९१ लाख बराबरको एलपी ग्यास आयात भएको हो ।

भन्सार विभागद्वारा आज सार्वजनिक चालू आर्थिक वर्षको मंसिर मसान्तसम्मको वैदेशिक व्यापारसम्बन्धी तथ्यांकमा उक्त जानकारी दिइएको छ । चालू आवको पाँच महिनामा रु. ६ खर्ब ६१ अर्ब ४८ करोड ८५ लाख ९४ हजार बराबरको वस्तु आयात भएको छ ।

यसैगरी नेपालले पाँच महिनामा ७३ अर्ब ६५ करोड ९७ लाख ७१ हजार रुपैयाँ बराबरको भटमास तेल, कार्पेट, अलैँची, सूर्यमुखी तेल, चियालगायत निर्यात गरेको छ ।