काठमाडौं । खानेपानीमन्त्री प्रदीप यादवले तराई–मधेस विशेषगरी बारा र पर्सामा देखिएको खानेपानी समस्याको समाधानका लागि मातहत निकायलाई आवश्यक जनशक्ति खटाउन निर्देशन दिएका छन्।

सिंहदरबारमा बिहीबार बसेको उच्च व्यवस्थापन टिम (SMT) को बैठकमा मन्त्री यादवले संकटग्रस्त आठ जिल्लामा सम्पूर्ण जनशक्ति परिचालन गर्नुपर्ने बताए। साथै, जलवायु परिवर्तनका कारण उत्पन्न संकट समाधानका लागि अन्तरराष्ट्रिय संघसंस्था, छिमेकी मुलुक र दातृ निकायसँग सहयोगको पहल गर्नसमेत निर्देशन दिए।