काठमाडौं । एसवाई प्यानल नेपाल लिमिटेडले उद्योग प्रभावित क्षेत्रका स्थानीयलाई निष्कासन गरेको आईपीओ बाँडफाँड गरेको छ । कम्पनीले उद्योग प्रभावित क्षेत्रका स्थानीय बासिन्दाहरूका लागि प्रतिकित्ता १०० रुपैयाँका दरले कुल २ लाख ६१ हजार ६२७ कित्ता आईपीओ असोज ७ गतेदेखि असोज २१ गतेसम्मका लागि आईपीओ बिक्री खुला गरेको थियो ।

निष्कासन अवधिभर रितपूवर्क आवेदन दिएकामध्ये ३ हजार ५९ जना आवेदकलाई कात्तिक २ गते आईपीओ बाँडफाँड गरिएको कम्पनीले जानकारी दिएको छ । यससँगै कम्पनीले पहिलो चरणमा निष्कासन गरेको आईपीओ बाँडफाँड सम्पन्न भएको छ । अब कम्पनीले दोस्रो चरणमा सर्वसाधारणका लागि आईपीओ निष्कासन गर्नेछ ।