काठमाडौं । नेपाल प्रिमियर लिग (एनपिएल) अन्तर्गत कर्णाली याक्स विरुद्ध चितवन राइनोजले जित निकालेको छ । चिवनले कर्णालीलाई ४ विकटले पराजित गरेको हो ।

जितका लागि पाएको १६७ रनको लक्ष्य चितवनले १८.५ ओभरमा ६ विकेट गुमाएर पुरा ग¥यो । चितवनको जितमा रवि बोपाराले ५२ रनको योगदान दिए । त्यस्तै दीपक बोहराले ४२ रनको योगदान दिए । सैफ अली जैबले ३८ रन बनाए भने कप्तान कुशल मल्लले २० रनको योगदान दिए ।

कर्णालीका लागि कप्तान सोमपाल कामीले २ विकेट लिए । युवराज खत्री, मार्क वाट र युनिश सिंह ठकुरीले एक एक विकेट लिए । यस अघि टस हारेर पहिले ब्याटिङ गरेको कर्णालीले निर्धारीत २० ओभरमा ३ विकेट गुमाएर १६६ रन बनाएको थियो । कर्णालीका लागि प्रियांक पान्चालले सर्वाधिक ९० रनको योगदान दिए । त्यस्तै पवन सराफले २७ रन बनाए । त्यस्तै माक्स ओडाउडले पनि टोलिका लागि २० रनको योगदान दिए । चितवनका लागि रवि बोपार, सैफ अली जैब र सोहेल तनभिरले एक–एक विकेट लिए ।