काठमाडौं । नेपाल प्रिमियर लिग (एनपिएल) क्रिकेट अन्तर्गत सुदुरपश्चिम रोयल्सले पोखरा एभेन्जर्ससामु जितका लागि १९४ रनको लक्ष्य प्रस्तुत गरेको छ । कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको सुदूरपश्चिमले निर्धारीत ओभरमा ७ विकेट गुमाएर १९३ रन बनाए पछि उक्त लक्ष्य पाएको हो ।

पहिलो विकेटका लागि ओपनरद्वय जस ब्राउन र विनोद भण्डारीले १०.४ ओभरमा १०८ रनको साझेदारी गर्दै उत्कृष्ट सुरुवात गरेको थियो । जस ब्राउनले ३५ बलमा चार चौका र पाँच छक्काको सहयोगमा ६८ रन बनाए । अर्का ओपनर विनोद भण्डारी ४२ बलमा ६ चौका सहयोगमा ४३ रनको योगदान दिए ।

त्यस्तै क्रिस लिनले ३१ रनको योगदान दिए । त्यस्तै कप्तान दीपेन्द्रसिंह ऐरी १५, स्कट कुग्लेजिन ८ र हरमित सिंहले ४ रन बनाए । पोखराका लागि जिम्मी निसमले तीन विकेट लिए । डान डाउथवेट र आकाश चन्दले दुई–दुई विकेट लिए ।